अल्पवयीन मुलीला फूस लावून पळवून नेत वेळोवेळी लैंगिक अत्याचार केल्याबद्दल तरुणाला १० वर्षे सक्तमजुरी व २५ हजार रुपये दंडाची शिक्षा

spot_img

पुणे : अल्पवयीन मुलीला फूस लावून पळवून नेत वेळोवेळी लैंगिक अत्याचार केल्याबद्दल तरुणाला १० वर्षे सक्तमजुरी व २५ हजार रुपये दंडाची शिक्षा सुनावण्यात आली आहे. पॉक्सो न्यायालयाचे विशेष न्यायाधीश पी.पी. जाधव यांनी ही शिक्षा सुनावली. तसेच दंड न भरल्यास ३ महिने साधी कैद आणि पळवून नेल्याबद्दल ३ वर्षे सक्तमजुरी, १५ हजार रुपये दंड व दंड न भरल्यास ३ महिने साधी कैद, असेही आदेशात नमूद करण्यात आले आहे. दोन्ही शिक्षा आरोपीने एकत्र भोगायच्या आहेत.

ब्रिजेश फुलसिंग परिहार (वय २८ वर्षे, रा. मूळ गाव सहुना, पो. पिछोली, डबरा, जि. ग्वालियर, मध्य प्रदेश) असे शिक्षा झालेल्या आरोपीचे नाव आहे. घटनेच्या वेळी आरोपी हा लोणावळा येथील एका हॉटेलमध्ये नोकरीला होता. १७ वर्षांची पीडित मुलगी आईसमवेत हॉटेलमध्ये कामाला जात होती. तिथे आरोपीची आणि तिची ओळख झाली. १ नोव्हेंबर २०१४ ला आरोपी मुलीला घेऊन लोणावळा येथील भुशी डॅम परिसरात गेला व तिच्या इच्छेविरुद्ध शरीरसंबंध ठेवले आणि तिला कुणालाही न सांगण्याबाबत धमकावले. आरोपी तिला ग्वालियर मध्य प्रदेशला आपल्या घरी घेऊन गेला. तिचे वय १९ वर्षे असल्याचे सांगत तिच्याशी मंदिरात जाऊन लग्न केले आणि वेळोवेळी तिच्या इच्छेविरुद्ध शरीरसंबंध ठेवले.

पीडिता घरी न आल्याने तिच्या आईवडिलांनी दिलेल्या फिर्यादीवरून लोणावळा शहर पोलीस स्टेशनमध्ये आरोपीविरुद्ध गुन्हा दाखल झाला. त्याचा तपास पोलीस उपनिरीक्षक एन.आर. गायकवाड यांनी केला. तपासादरम्यान आरोपी आणि पीडिता मध्य प्रदेशला त्याच्या घरी आढळून आले. पीडितेने दिलेल्या जबाबावरून आरोपीविरुद्ध बलात्कार आणि पॉक्सो कायद्यांतर्गत कलमांची वाढ करण्यात आली.

सरकारी वकील प्रेमकुमार अगरवाल यांनी काम पाहिले. त्यांनी एकूण सात साक्षीदारांची साक्ष नोंदवली. त्यामध्ये पीडिता, तिच्या शाळेचे मुख्याध्यापक, पोलीस नाईक वैशाली लोखंडे आणि तपासी अंमलदार पोलीस उपनिरीक्षक एन.आर. गायकवाड यांची साक्ष महत्त्वाची ठरली. पीडितीने तिच्यावर वेळोवेळी लैंगिक अत्याचार झाल्याचे व आरोपीने जबरदस्तीने विवाह केल्याचे सांगितले. तसेच विवाह नोंदणी प्रमाणपत्रावरील सही तिची नसल्याचे सांगितले. अगरवाल यांनी उपलब्ध पुराव्यावरून पीडिता अल्पवयीन असल्याचे व आरोपीने तिच्यावर जबरदस्ती केल्याचे तसेच आरोपीचा बचाव खोटा असल्याचा युक्तिवाद केल्याने न्यायालयाने आरोपीला शिक्षा ठोठावली.

Related Articles

Latest Articles

महाराष्ट्र न्युज 24 - सविस्तर बातम्या वाचण्यासाठी येथे क्लिक करा

spot_img
spot_img

लोकशाही न्युज 24 - सविस्तर बातम्या वाचण्यासाठी येथे क्लिक करा

spot_img

भगवान शंकराचे स्तंभेश्वर मंदिर,दिवसातून दोनदा गायब होतं महादेवाचे ‘हे’ मंदिर

भारतीय हिंदू संस्कृतीत मंदिराचे अनन्यसाधारण महत्त्व आहे. मंदिर हे देवाचे स्थान आहे. भारतात फक्त पूजा-अर्चनाच नाही तर इतरही धार्मिक कार्ये केला जातात. भारतातील अशी अनेक...

‘सीता’ सिंहिण ‘अकबर’ सिंह नावावरण वाद, हायकोर्टाने दिला मोठा निर्णय..

पश्चिम बंगालमधल्या (West Bengal) एका प्राणी संग्रहालयात सिंह आणि सिंहिणीला देण्यात आलेल्या नावावरुन मोठा वाद उभा राहिला आहे. हे प्रकरण कोलकाता हायकोर्टापर्यंत पोहोचलं आहे. हायकोर्टाने...

अकॅडमीच्या संचालकने ‘तू काळी आहेस’ म्हणून हिणवले, तरुणीने संपवलं जीवन

छत्रपती संभाजीनगर : छत्रपती संभाजीनगर शहरात एक धक्कादायक प्रकार समोर आला असून, वाळूज भागातील बजाजनगरातील गरुडझेप अकॅडमीत पोलिस भरतीची तयारी करणाऱ्या एका 19 वर्षांच्या...

हुक्का बारवर बंदी विधेयकास मंजुरी; सिगारेट विक्रीवरही राहणार बंदी; दंडासह तीन वर्षांपर्यंत तुरुंगवास

राज्याने २१ वर्षांपेक्षा कमी वयाच्या व्यक्तींना सिगारेट आणि इतर तंबाखूजन्य पदार्थांच्या विक्रीवर बंदी घातली आहे. बंगळूर : कर्नाटक सरकारने (Karnataka Government) बुधवारी राज्यभरात हुक्का बारवर...

एसटीचा मोफत प्रवास,दरवर्षी सलग सहा महिन्यांकरिता मोफत प्रवास पास मिळणार कोणाला ?

महाराष्ट्रातील एसटी महामंडळाकडून विविध प्रकारच्या सवलती दिल्या जात असून त्यात सर्व वर्गातील महिलांसाठी बस तिकिटांवर 50% सवलत सुरू आहे. अशातच परिवहन महामंडळाच्या सेवानिवृत्त कर्मचाऱ्यांना...