प्रेमाच्या जाळ्यात अडकवून लग्नाचे नाटक केले, कपाळावर कुंकू लावून तरुणीसोबत रात्र घालवून दुसऱ्या दिवशी तिला तिच्या घरी सोडले. यानंतर महिनाभराने आरोपी तरुणाने तिचे हात पाय बांधून मित्रांसोबत सामुहिक बलात्कार केल्याचा प्रकार घडला आहे.
ताज्या बातम्या वाचा व जगाशी रहा कनेक्टेड त्यासाठी आमचा व्हॉट्स ॲप ग्रुप जॉईन करा.https://chat.whatsapp.com/K7qwAEPs0s7LfJmVAQIP2I
हरियाणामध्ये हा धक्कादायक प्रकार घडला आहे.
पीडित तरुणीने याची तक्रार पोलिसांकडे करताच पोलिसांनी गुन्हा दाखल केला आहे. पीडितेवर सामुहिक बलात्कार करताना तिच्या तोंडावर दारू आणि मिरची देखील फेकण्यात आली होती. तिच्या शेजारी एक महिला राहत होती. या महिलेच्या घरी आरोपी ये-जा करायचा. या काळात आरोपी तरुणाने तरुणीला प्रेमाच्या जाळ्यात ओढले होते.
लग्नाचे आमिष दाखवून तिला तो मंदिरात घेऊन गेला. तिथे त्याने तिच्यासोबत लग्न देखील केले. यानंतर कलियर शरीफला नेले आणि लग्नाची पहिली रात्र असल्याचे सांगून एकत्र राहिला. दिवस उजाडताच तिला परत तिच्या घरी नेऊन सोडले. यानंतर महिनाभराने, २८ ऑक्टोबरला तो त्याच्या मित्रांसोबत तरुणीच्या घरी पोहोचला. घरात कोणीच नसल्याने तिचे हातपाय बांधले आणि सामुहिक बलात्कार केला, असा तरुणीने आरोप केला आहे.
यानंतर आरोपींना जिवे ठार मारण्याची धमकी दिली आणि तेथून निघून गेले. यानंतर पीडिता पोलीस ठाण्यात पोहोचली आणि तक्रार केली. पोलिसांनी या प्रकरणी नितीन आणि रावत यांच्यावर गुन्हा दाखल केला आहे