शिक्षकाला सायबर भामट्यांनी तब्बल २९ लाख २३ हजार रुपयांना गंडविले

spot_img

बीड : केबीसी (कौन बनेगा करोडपती) नावाच्या व्हॉटस्एँप ग्रुपमध्ये समाविष्ट करून येथील एका शिक्षकाला सायबर भामट्यांनी तब्बल २९ लाख २३ हजार रुपयांना गंडविले. २५ लाख रुपयांची लॉटरी, दुबईच्या आलिशान कारचे आमिष दाखवून तब्बल ३० टप्प्यांत ही रक्कम उकळण्यात आली.३ मार्च रोजी हा धक्कादायक प्रकार उघडकीस आला. याप्रकरणी शहर पोलीस ठाण्यात गुन्हा नोंद झाला.

मोहम्मद फहीमोद्दीन अब्दुल रहीम (५२, रा. झमझम कॉलनी, बीड) असे फसवणूक झालेल्या शिक्षकाचे नाव आहे. त्यांच्या पत्नी गेवराईत जिल्हा परिषद शाळेत शिक्षिका असून ते बीडमध्ये इस्लामपुरा येथील नॅशनल उर्दू प्राथमिक शाळेत शिक्षक आहेत. ११ डिसेंबर २०२१ रोजी ते घरी होते. यावेळी अचानक त्यांना एका व्हॉटस्एँप ग्रुपवर अनोळखी व्यक्तीने समाविष्ट केले. केबीसी नावाच्या या ग्रुपवर एक व्हिडिओ शेअर केला गेला. ज्यात २५ लाखांची लॉटरी व आलिशान कार बक्षीस म्हणून दिल्याचे दाखविले होते. १३ डिसेंबर रोजी शिक्षक मोहम्मद रहीम यांनी संबंधित मोबाइल क्रमांकावर संपर्क केला. त्याने मोहम्मद यांना बोलण्यात गुंतवून ठेवत ३० टप्प्यांत प्रक्रिया शुल्क, टॅक्स, जीएसटी, सेवाशुल्क, वाहतूक खर्च आदींच्या नावाखाली सुमारे २९ लाख २३ हजार रुपये उकळले. शहर पोलीस ठाण्यात फसवणूक व माहिती तंत्रज्ञान कायद्यान्वये मनीष कुमार, आकाश वर्मा यांच्यावर गुन्हा नोंद झाला. तपास पोलीस निरीक्षक रवी सानप करत आहेत.

३१ व्या वेळी पैशांची मागणी केली अन्….

सायबर भामट्यांनी शिक्षक मोहम्मद रहीम यांना गोड बोलून स्वप्नांच्या दुनियेत नेले. त्यांच्यावर विश्वास ठेवून वेगवेगळ्या खात्यात ते पैसे भरत राहिले. कोणाला सांगू नका, दुबईहून कार येत आहे, असे सांगून कारचे फोटो पाठविले. त्यामुळे मोहम्मद रहीम यांची खात्री पटली. याचा फायदा घेत भामट्यांनी त्यांना लुबाडले. ३१ व्या वेळी पैशांची मागणी केल्यावर मात्र मोहम्मद रहीम हे भानावर आले व त्यांनी पोलीस ठाण्यात धाव घेतली.

१३ डिसेंबर ते १३ फेब्रुवारी या तीन महिन्यांच्या काळात शिक्षकाकडून केबीसी लॉटरी व कारचे आमिष दाखवून २९ लाख रुपये उकळण्यात आले. केवळ आमिषाला भुलून ही फसवणूक झाली. कुठल्याही स्थितीत अनोळखी व्यक्तींशी व्यवहार करून नागरिकांनी स्वत:ची फसगत करून घेऊ नये – रवी सानप, पो.नि. शहर पोलीस ठाणे, बीड 

(स्त्रोत- दै लोकमत)

Related Articles

Latest Articles

महाराष्ट्र न्युज 24 - सविस्तर बातम्या वाचण्यासाठी येथे क्लिक करा

spot_img
spot_img

लोकशाही न्युज 24 - सविस्तर बातम्या वाचण्यासाठी येथे क्लिक करा

spot_img

लग्नाचं आमिष देत,मुलीवरच 13 वर्षं बलात्कार; हा प्रसिद्ध अभिनेता कोण ?

छत्तीसगड पोलिसांनी बलात्कार आणि अनैसर्गिक सेक्स केल्याच्या आरोपाखाली अभिनेता, निर्माता आणि दिग्दर्शक मनोज राजपूतला अटक केली आहे. मनोज राजपूतवर आपल्याच एका जवळच्या नातेवाईकावर लग्नाचं...

भगवान शंकराचे स्तंभेश्वर मंदिर,दिवसातून दोनदा गायब होतं महादेवाचे ‘हे’ मंदिर

भारतीय हिंदू संस्कृतीत मंदिराचे अनन्यसाधारण महत्त्व आहे. मंदिर हे देवाचे स्थान आहे. भारतात फक्त पूजा-अर्चनाच नाही तर इतरही धार्मिक कार्ये केला जातात. भारतातील अशी अनेक...

‘सीता’ सिंहिण ‘अकबर’ सिंह नावावरण वाद, हायकोर्टाने दिला मोठा निर्णय..

पश्चिम बंगालमधल्या (West Bengal) एका प्राणी संग्रहालयात सिंह आणि सिंहिणीला देण्यात आलेल्या नावावरुन मोठा वाद उभा राहिला आहे. हे प्रकरण कोलकाता हायकोर्टापर्यंत पोहोचलं आहे. हायकोर्टाने...

अकॅडमीच्या संचालकने ‘तू काळी आहेस’ म्हणून हिणवले, तरुणीने संपवलं जीवन

छत्रपती संभाजीनगर : छत्रपती संभाजीनगर शहरात एक धक्कादायक प्रकार समोर आला असून, वाळूज भागातील बजाजनगरातील गरुडझेप अकॅडमीत पोलिस भरतीची तयारी करणाऱ्या एका 19 वर्षांच्या...

हुक्का बारवर बंदी विधेयकास मंजुरी; सिगारेट विक्रीवरही राहणार बंदी; दंडासह तीन वर्षांपर्यंत तुरुंगवास

राज्याने २१ वर्षांपेक्षा कमी वयाच्या व्यक्तींना सिगारेट आणि इतर तंबाखूजन्य पदार्थांच्या विक्रीवर बंदी घातली आहे. बंगळूर : कर्नाटक सरकारने (Karnataka Government) बुधवारी राज्यभरात हुक्का बारवर...