बीजिंग : G20 शिखर परिषदेसंदर्भात अनेक शक्तिशाली देशांचे नेते दिल्लीत पोहोचले आहेत. 9 आणि 10 सप्टेंबर रोजी भारत मंडपम येथे होणाऱ्या परिषदेत सर्व देशांचे नेते जागतिक समस्यांवर चर्चा करतील.
चीनच्या वतीने पंतप्रधान ली कियांग राष्ट्राध्यक्ष शी जिनपिंग यांच्या जागी G20 शिखर परिषदेत सहभागी होत आहेत.’India will consolidate position as a great power’, opines Chinese newspaper Global Times on G-20 summit
दरम्यान, G20 शिखर परिषदेबाबत चिनी वृत्तपत्र ग्लोबल टाइम्सची प्रतिक्रिया आली आहे. या वृत्तपत्राने आपल्या संपादकीयमध्ये लिहिले आहे की, भारत या वर्षीच्या #G20 शिखर परिषदेत आर्थिक सुधारणा आणि बहुपक्षीय मुत्सद्देगिरीवर चर्चा करण्यावर लक्ष केंद्रित करू इच्छित आहे. तथापि, अमेरिका आणि पाश्चिमात्य देशांना हवे ते वेगळे आहे. वृत्तपत्राने लिहिले की, आम्हाला आशा आहे की, नवी दिल्लीत यंदाची #G20 शिखर परिषद अडथळे दूर करेल आणि यशोगाथा तयार करेल.
अमेरिकेवर निशाणा
वृत्तपत्राने पुढे लिहिले की, परंतु अमेरिका आणि पाश्चिमात्य देश, जे अनेकदा भारतासोबत उभे असल्याचा दावा करतात, त्यांनी जी-20 शिखर परिषदेत सहभागी देशांमधील “मतभेद” जगजाहीर करण्यासाठी खूप प्रयत्न केले आहेत. त्यांना आर्थिक सहकार्याच्या प्रमुख जागतिक मंचावर त्यांचा अजेंडा पुढे रेटायचा आहे. काही विश्लेषकांचे म्हणणे आहे की, नवी दिल्ली येथे होणारी यंदाची G20 शिखर परिषद पूर्वीपेक्षा जास्त गोंगाट करणारी आणि अवघड असू शकते. कदाचित, इतिहासात पहिल्यांदाच संयुक्त निवेदन जारी होऊ शकणार नाही, असा अंदाज व्यक्त केला जात आहे.
इतर समस्यांचा उल्लेख
वृत्तपत्राने आपल्या संपादकीयमध्ये लिहिले की, भारताने G20 शिखर परिषदेसाठी सहा प्राधान्यक्रम जाहीर केले आहेत. यामध्ये हरित वाढ आणि हवामान वित्त, सर्वसमावेशक वाढ, डिजिटल अर्थव्यवस्था, सार्वजनिक पायाभूत सुविधा, तांत्रिक परिवर्तन आणि सामाजिक-आर्थिक प्रगतीसाठी महिला सक्षमीकरण यांचा समावेश आहे. पाश्चिमात्य देश ज्या मुद्द्यावर सर्वाधिक लक्ष देत आहेत, तो म्हणजे रशिया-युक्रेन संघर्ष. अनेक प्रसारमाध्यमांनी असे नमूद केले की, भारताने युक्रेनच्या नेत्याला शिखर परिषदेला उपस्थित राहण्यासाठी आमंत्रित केले नाही. याशिवाय वृत्तपत्राने आपल्या लेखात अनेक मुद्दे नमूद केले आहेत.