Home Blog

लग्नाचं आमिष देत,मुलीवरच 13 वर्षं बलात्कार; हा प्रसिद्ध अभिनेता कोण ?

0

छत्तीसगड पोलिसांनी बलात्कार आणि अनैसर्गिक सेक्स केल्याच्या आरोपाखाली अभिनेता, निर्माता आणि दिग्दर्शक मनोज राजपूतला अटक केली आहे. मनोज राजपूतवर आपल्याच एका जवळच्या नातेवाईकावर लग्नाचं आश्वासन देत बलात्कार केल्याचा आरोप आहे.

मागील 13 वर्षांपासून बलात्कार करण्यात आल्याचा पीडितेचा दावा आहे. त्याने अनैसर्गिक शारिरीक संबंध ठेवल्याचंही पीडितेने आरोपात म्हटलं आहे. 29 वर्षीय पीडितेच्या तक्रारीच्या आधारे पोलिसांनी गुन्हा दाखल केला होता. यानंतर दुर्ग जिल्ह्याच्या कार्यालयातून त्याला अटक करण्यात आली.

“22 फेब्रुवारीला पीडित मुलीने जुन्या भिलाई रेल्वे पोलीस ठाण्यात तक्रार दाखल केली होती. मनोज राजपूत 2011 पासून लग्नाचं आमिष देत आपल्यावर बलात्कार करत असल्याचा आरोप तिने केला आहे. यादरम्यान तो तिच्याशी अनैसर्गिक शारिरीक संबंधही ठेवत होता. मुलीने लग्नासाठी दबाव टाकला असता त्याने टाळाटाळ सुरु केली होती. यानंतर तिने पोलिसांशी संपर्क साधला,” अशी माहिती स्टेशन हाऊस अधिकारी राजकुमार बोरझा यांनी दिली आहे.

पीडित मुलीने दिलेल्या तक्रारीच्या आधारे मनोज राजपूतवर बलात्कार, अनैसर्गिक शारिरीक संबंध, धमकावणं आणि इतर कलमांतर्गत गुन्हा दाखल केला आहे. पोलिसांनी यामध्ये पॉक्सोचाही समावेश केला आहे. याचं कारण पीडित मुलीचं लैंगिक शोषण करण्यास सुरुवात झाली तेव्हा ती अल्पवयीन होती. पण स्थानिक न्यायालयाने पॉक्सो कलम हटवलं आहे.

धक्कादायक म्हणजे पोलीस अटक केल्यानंतर मनोज राजपूतला घेऊन जात असताना त्याने मीडियाला फ्लाइंग किस दिला. आपल्याविरोधात कट रचण्यात आल्याचा आरोप त्याने केला आहे. आपल्याला अडकवलं जात असल्याचं त्याचं म्हणणं आहे. तो म्हणाला की, “राजेश बिहारी नावाची व्यक्ती मुद्दामून शत्रुत्वाखातर हे करत आहे. ज्या मुलीने माझ्याावर आरोप केले आहेत, ती 11 वर्षं कुठे होती. मला अडकवण्याच्या हेतूने हे सर्व केलं जात आहे”.

मनोज राजपूत व्यवसायाने बिल्डर आहे. पण अनेक चित्रपटांच्या निर्मितीतही त्याचा सहभाग आहे. तसंच चित्रपटांची निर्मिती करण्यासह त्यात अभिनयही करतो. गेल्या काही वर्षात त्याच्या उद्योगात वाढ झाली होी. यामुळे त्याची इतरांशी स्पर्धा सुरु झाली होती. काही महिन्यांपूर्वी त्याने आपल्या जीवाला धोका आहे सांगत पोलीस ठाण्यात तक्रार दाखल केली होती. आपल्याला सुरक्षा दिली जावी अशी त्याची मागणी होती.

भगवान शंकराचे स्तंभेश्वर मंदिर,दिवसातून दोनदा गायब होतं महादेवाचे ‘हे’ मंदिर

भारतीय हिंदू संस्कृतीत मंदिराचे अनन्यसाधारण महत्त्व आहे. मंदिर हे देवाचे स्थान आहे. भारतात फक्त पूजा-अर्चनाच नाही तर इतरही धार्मिक कार्ये केला जातात.

भारतातील अशी अनेक मंदिरे आहेत जिथे गेल्यावरही मनाला शांती लाभते. भारतात 10 लाखाहून अधिक मंदिरे आहेत. प्रत्येक मंदिराचा वेगळा इतिहास आहे. त्यामुळं लोकांचा विश्वासही दृढ होत गेला आहे.

गुजरातमध्येही असंच एक मंदिर आहे जे त्याच्या रहस्यमय अस्तित्वामुळं प्रसिद्ध आहे. गुजरातची राजधानी गांधीनगरहून जवळपास 175 किमी लांब असलेल्या जंबूसरच्या कवी कंबोई गावात हे मंदिर आहे. या मंदिराच्या रहस्य पाहून अनेक जण आश्चर्यचकित होत आहेत. भगवान शंकराचे स्तंभेश्वर मंदिर आहे. हे मंदिर 150 वर्षांपूर्वीचा आहे. हे मंदिर अरबी समुद्रात आणि खंभातच्या खाडीने वेढलेले आहे. हे मंदिर पाहण्यासाठी खूप दूरुन लोक येतात.

मंदिराची आख्यायिका काय?

शिवपुराणानुसार तारकासुर नावाच्या राक्षसाने भगवान शंकराला प्रसन्न करण्यासाठी खूप खडतर तपस्या केली होती. अशातच भगवान तारकासूराची तपस्येने खुश झालेल्या महादेवांनी त्याला वरदान मागण्यास सांगितले. तारकासुरने वरदान मागितले की महादेवपुत्रांच्या ऐवजी कोणी त्याचा वध करु शकत नाही. मात्र यावेळी त्या पुत्राचे वय 6 दिवसांपेक्षा अधिक नसावे.

महादेवाने तारकासुरला वरदान दिल्यानंतर त्याने सामान्यांना त्रास देण्यास सुरुवात केली. अशातच देवतांनी तारकासुराचा वध करावा, अशी महादेवांना गळ घातली. त्यानंतर श्वेत पर्वत कुंडातून जन्मलेल्या कार्तिकेयने तारकासुराचा वध केला. मात्र, जेव्हा महादेवाने याबाबत समजले तेव्हा त्यांना खुप दुखः झाले. कार्तिकेय यांना जेव्हा त्यांच्या चुकीची जाणीव झाली तेव्हा भगवान विष्णु यांनी त्याना प्रायश्चित करण्याची संधी दिली.

भगवान विष्णु यांनी कार्तिकेय यांना सल्ला दिला की, जिथे असुराचा वध केला तिथेच शिवलिंगाची स्थापना करावी. भगवान विष्णुंच्या म्हणण्याप्रमाणे कार्तिकेयांनी तसेच केले. त्यानंतर हे मंदिर स्तंभेश्वर मंदिराच्या नावाने ओळखले जाऊ लागले. बऱ्याच जणांना माहिती नाहीये की हे मंदिर सकाळी- संध्याकाळी दोनदा समुद्रात लुप्त होते.

मंदिरात लुप्त होणाऱ्या या मंदिराला वैज्ञानिक कारण आहे. हे मंदिर समुद्राच्या पाण्याने वेढलेले आहे. अशावेळी जेव्हा दिवसातून दोनदा समुद्राची पातळी वाढते तेव्हा मंदिर पूर्णपणे पाण्यात लुप्त होते. मात्र, जेव्हा पाण्याचा स्तर कमी होतो तेव्हा मंदिराचे पुन्हा दर्शन होते. स्थानिक लोकांच्या मान्यतेनुसार, समुद्राच्या पाण्याने महादेवाचे जलाभिषेक होतो. निसर्गाचा हाच चमत्कार पाहण्यासाठी लोक सकाळ-संध्याकाळपर्यंत येथे थांबतात.

 

स्तंभेश्वर महादेव मंदिरात दरवर्षी महाशिवरात्री आणि अमावस्येला मोठी जत्रा भरते. प्रदोष-ग्यारस आणि पौर्णिमेला रात्रभर येथे पूजा-अर्चा होते. आजूबाजूच्या गावातील लोक येथे दर्शनासाठी येतात. असं म्हणतात की, महादेवाचे दर्शन घेतल्याने सर्व कष्ट दूर होतात. शिव पुराणातही याचा उल्लेख आढळतो. रुद्र संहिता भाग 2 अध्याय 11 आणि पृष्ठ संख्या 358मध्ये उल्लेख आढळतो.

‘सीता’ सिंहिण ‘अकबर’ सिंह नावावरण वाद, हायकोर्टाने दिला मोठा निर्णय..

पश्चिम बंगालमधल्या (West Bengal) एका प्राणी संग्रहालयात सिंह आणि सिंहिणीला देण्यात आलेल्या नावावरुन मोठा वाद उभा राहिला आहे. हे प्रकरण कोलकाता हायकोर्टापर्यंत पोहोचलं आहे.

हायकोर्टाने राज्य सरकारला सिंह आणि सिंहिणीचं नाव बदलण्याचे आदेश दिले आहे. हा संपूर्ण वाद सुरु झाला तो सिंहाचं नाव अकबर (Akbar lion) आणि सिंहिणीचा नाव सीता ठेवण्यावरुन (Sita Lioness). यावर हिंदुंचा अवमान झाल्याचा आरोप करत विश्व हिंदू परिषदने (VHP) कोर्टात धाव घेतली होती. विहिपने कोर्टात याविरोधात याचिका दाखल केली.

याप्रकरणी कोलकाता हायकोर्टाचे न्यायाधीश सौगत भट्टाचार्य यांनी राज्य सरकारच्या वकिलांना चांगलंच खडसावलं. आपल्या पाळीव प्राण्यांची नावं हिंदू देवी-देवता किंवा मुस्लिम पैगंबर यांच्या नावावर ठेवाल का? देशातील एक मोठा वर्ग सीताची पूजा करतो. तर अकबर हा एक मुगल सम्राट होता, असं न्यायाधीश सौगत भट्टाचार्य यांनी सांगितलं. आपण एखाद्या पाळीव प्राण्याचं नाव रवींद्रनात टॅगोर यांच्या नावावरुन ठेवण्याचा विचार तरी करु शकतो का असं सांगत न्यायाधीशांनी सिंहाचं नाव अकबर आणि सिंहिणीचं नाव सीता ठेवण्याचा आपल्याला काहीही अधिकार नसल्याचं म्हटलं आहे.

असा सुरु झाला वाद
त्रिपुरातील सिपाहीजाला प्राणी संग्रहालायतून आठ प्राणी पश्चिम बंगालमधल्या सिलिगुजी सफारी पार्कमध्ये आणण्यात आले. यात अकबर आणि सीता नावाच्या सिंह-सिंहिणीचाही समावेश होता. याप्रकरणी 16 फेब्रुवारीला विश्व हिंदू परिषदेने कोलकाता हायकोर्टात धाव घेतली. हिंदुचा अवमान केल्याचा आरोप याचिकेत करण्यात आला. अकबर मुगल सम्राट होता तर सीतामातेला हिंदू धर्मात पूजलं जातं. विहिपने सिंहिणीचं नाव बदलण्याची मागणी करत सिंह आणि सिंहिणीला वेगळं ठेवण्याची मागणी केली होती.

बंगाल सरकारने काय म्हटलं?
हायकोर्टात सुनावणी दरम्यान बंगाल सरकारच्या वकिलांनी यावर युक्तीवाद केला. सिंह आणि सिंहिण त्रिपुरा प्राणी संग्रहालयातून आणण्यात आले होते, त्यांना बंगाल सरकारकडून नावं देण्यात आलेली नाहीत. पण विहिपने सिंह-सिंहिणी त्रिपुरातून आणले असले तरी पश्चिम बंगाल सरकारने त्यांना नावं दिल्याचा दावा केला आहे.

कोर्टाने काय निकाल दिला?
या प्रकरणावर सुनावणी करताना न्यायाधीश भट्टाचार्य यांनी एखाद्या प्राण्याला देवी-देवता, पौराणिक पात्र किंवा स्वतंत्र्यात सेनानी यांची नावं देणं कितपत योग्य आहे, असा सवाल विचारला. कोलकाता हायकोर्टाने सिंह-सिंहिणीचं नाव बदलण्याचे आदेश दिले आहेत. सीता आणि अकबर नाव ठेऊन विनाकारण वाद का निर्माण करायचा असंही कोर्टाने म्हटलंय. आदेशानंतर पश्चिम बंगाल सरकारने सिंह-सिंहणीची नावं बदलण्याचं मान्य केलं आहे.

अकॅडमीच्या संचालकने ‘तू काळी आहेस’ म्हणून हिणवले, तरुणीने संपवलं जीवन

छत्रपती संभाजीनगर : छत्रपती संभाजीनगर शहरात एक धक्कादायक प्रकार समोर आला असून, वाळूज भागातील बजाजनगरातील गरुडझेप अकॅडमीत पोलिस भरतीची तयारी करणाऱ्या एका 19 वर्षांच्या तरुणीने अकॅडमीच्या वसतिगृहातील बाथरूममध्ये गळफास घेऊन आत्महत्या ( Suicide) केली आहे.

हा प्रकार मंगळवारी सकाळच्या सुमारास उघडकीस आला होता. मात्र, अकॅडमीत आत्महत्या करणाऱ्या तरुणीने वेळेत पैसे न भरल्यामुळे तिला इतर मुलींसमोर अपमानास्पद वागणूक देऊन, ‘तू काळी आहेस,’ असे म्हणत अकॅडमीच्या संचालकाने हिणवले होते. हा अपमान सहन न झाल्यानेच तिने आत्महत्या केल्याचा आरोप मुलीच्या वडिलांनी केला आहे. या प्रकरणी पोलिसांत गरुडझेप अकॅडमीच्या (Garud Zep Career Academy) संचालकासह एकूण पाच लोकांवर गुन्हा दाखल करण्यात आला आहे. लीना पाटील (वय 19 वर्ष) असे आत्महत्या करणाऱ्या तरुणीचे नाव आहे.

लीना पाटीलच्या वडिलांनी एमआयडीसी वाळूज पोलीस ठाण्यात दिलेल्या तक्रारीत म्हटले आहे की, “पोलीस व सैन्य दलात भरती होऊन सरकारी नोकरीचे स्वप्न उराशी बाळगून त्यांची मुलगी लीना पाटीलने दीड वर्षापूर्वी बजाजनगर येथील गरुड झेप अकॅडमीमध्ये प्रवेश घेतला होता. ज्यासाठी त्यांनी तीन टप्प्यात एकूण 1 लाख 20 हजार रुपये भरले होते. तसेच मेससाठी 4500 प्रती महिना भरत होते. कधीकधी मेसचे पैसे भरण्यासाठी उशीर होत होता. पैसे भरण्यासाठी उशीर झाल्यास नाश्ता दिला जात नाही आणि निलेश सोनावणे सर अपमानास्पद वागणूक देऊन इतर मुलांसमोर अपमान करत असल्याचं लीना आपल्या वडीलांना फोन करून सांगायची. तसेच जेवण देखील दिले जात नव्हते. मात्र, निलेश सोनवणे यांनी प्रशिक्षण झाल्यावर नोकरी लावून देण्याची हमी दिल्याने थोडा त्रास होईल असे म्हणून लीनाचे वडील मुलीला धीर द्यायचे,” असे तक्रारीत म्हटले आहे.

अकॅडमीचा संचालक काळी म्हणून हाक मारायचा…

मेसच्या पैश्यासाठी गरुडझेप अकॅडमीचा संचालक निलेश सोनवणे सतत लीनासह इतर मुलींचा देखील अपमान करायचा. अनेकदा नाश्ता आणि जेवण न देता अपमान करायचा. विशेष म्हणजे लीनाला सर्वांच्या समोर ‘ये काळे’ म्हणून हाक मारायचा. दरम्यान, आपली फसवणूक होत असल्याचा नीलाने एकदा थेट निलेश सोनवणेला सांगितले होते. त्यावर, ये काळे तू मला शकवू नको, इतकं माय बापाचं वाटते तर जीव दे, तुझी लायकी तरी आहे का नोकरीवर लागायची, मी हमी घेतली आहे ना, लावेल तुला नोकरी, नाहीतर तुला काय करायचे ते कर, असे निलेश सोनवणे म्हणाला होता, असे पोलिसांत दिलेल्या तक्रारीत म्हटले आहे.

हुक्का बारवर बंदी विधेयकास मंजुरी; सिगारेट विक्रीवरही राहणार बंदी; दंडासह तीन वर्षांपर्यंत तुरुंगवास

राज्याने २१ वर्षांपेक्षा कमी वयाच्या व्यक्तींना सिगारेट आणि इतर तंबाखूजन्य पदार्थांच्या विक्रीवर बंदी घातली आहे.

बंगळूर : कर्नाटक सरकारने (Karnataka Government) बुधवारी राज्यभरात हुक्का बारवर बंदी (Hookah Bar Ban) घालण्यासाठी विधेयक मंजूर केले.

ज्यामध्ये कठोर दंडासह, एक ते तीन वर्षांपर्यंत तुरुंगवास आणि प्रतिबंधाचे उल्लंघन केल्याबद्दल दोषी आढळलेल्यांना एक लाख रुपयांपर्यंतच्या दंडाची तरतूद आहे.

अधिसूचनेनुसार नागरिकांच्या आरोग्याचे रक्षण करण्यासाठी आणि तंबाखूजन्य आजारांना आळा घालण्यासाठी विद्यमान सिगारेट (Cigarettes) आणि इतर तंबाखू (Tobacco) उत्पादने कायद्यामध्ये (सीओटीपीए) सुधारणा केल्यानंतर ही बंदी लागू केली आहे. याव्यतिरिक्त राज्याने २१ वर्षांपेक्षा कमी वयाच्या व्यक्तींना सिगारेट आणि इतर तंबाखूजन्य पदार्थांच्या विक्रीवर बंदी घातली आहे.

सुधारित विधेयक सार्वजनिक ठिकाणी तंबाखूजन्य पदार्थांच्या वापरावर पूर्णपणे बंदी असणार आहे. सिद्धरामय्या यांच्या नेतृत्वाखालील सरकारने कोणत्याही शैक्षणिक संस्थेच्या १०० मीटरच्या परिघात सिगारेट आणि इतर तंबाखूजन्य पदार्थांच्या विक्रीवर बंदी घातली आहे. नियमांचे उल्लंघन केल्यास एक हजार रुपयांचा दंड होऊ शकतो. सरकारने आरोग्य आणि कायदा आणि सुव्यवस्थेसाठी हा निर्णय घेतला आहे, असे मंत्री प्रियांक खर्गे यांनी सांगितले.

जागतिक आरोग्य संघटनेच्या सर्व्हेच्या पार्श्वभूमीवर सरकारने ही कारवाई केली आहे. त्यानुसार कर्नाटकातील २२.८ टक्के प्रौढ तंबाखूचा वापर करतात. तर ८.८ टक्के जण धूम्रपान करतात. अहवालात असेही म्हटले आहे, की राज्यातील २३.९ टक्के प्रौढ हे निष्क्रिय धूम्रपान करणारे आहेत.

एसटीचा मोफत प्रवास,दरवर्षी सलग सहा महिन्यांकरिता मोफत प्रवास पास मिळणार कोणाला ?

महाराष्ट्रातील एसटी महामंडळाकडून विविध प्रकारच्या सवलती दिल्या जात असून त्यात सर्व वर्गातील महिलांसाठी बस तिकिटांवर 50% सवलत सुरू आहे. अशातच परिवहन महामंडळाच्या सेवानिवृत्त कर्मचाऱ्यांना वयाच्या ७५ वर्षांपर्यंत, तर मृत कर्मचाऱ्यांच्या पत्नीला ६५ व्या वर्षांपर्यंत सहा महिने मोफत पासची सुविधा देण्यात आली आहे.

याबाबत महाव्यवस्थापक मोहनदास भरसट यांच्या स्वाक्षरीचे सुधारित परिपत्रक नुकतेच निर्गमित झाले आहे.

सप्टेंबर ते फेब्रुवारी या महामंडलाच्या ऑफ सिझनमध्ये सवलतीचा हा लाभ घेता येणार आहे. राज्य मार्ग परिवहन महामंडळाच्या सेवेतून निवृत्त झालेल्या कर्मचाऱ्यांसाठी मोफत प्रवास पासबाबत सुधारित परिपत्रकीय सूचना काढण्यात आल्या होत्या.मात्र, या राज्य मार्ग परिवहन महामंडळाच्या सेवेतून निवृत्त झालेल्या कर्मचाऱ्यांसाठी मोफत प्रतास पासबाबत सधारित परिपत्रकामध्ये अंशतः बदल करण्यात आला आहे.

यात महामंडळाच्या सेवेतून निवृत्त झालेल्या ऐच्छिक सेवानिवत्ती घेतलेल्या, वैद्यकीयदृष्ट्या अपात्र ठरलेल्या कर्मचाऱ्यांना यापुढे वयाच्या ७५ वर्षांपर्यंत दरवर्षी सलग सहा महिन्यांकरिता मोफत प्रवास पास मिळणार आहे.तसेच सेवेत असताना मृत्यू पावलेल्या, सेवानिवृत्तीनंतर मृत्यू झालेल्या, वैद्यकीयदृष्ट्या अपात्र ठरलेल्या, स्वेच्छानिवृत्ती घेतलेल्या अधिकारी व कर्मचाऱ्यांच्या विधवा, विधूर यांना वयाच्या ६५ वर्षापर्यंत दरवर्षी सलग ६ महिन्यांकरिता मोफत प्रवास पास देण्यात येणार आहे

यापूर्वी सेवानिवृत्त व अपंग कर्मचाऱ्यांना ही सुविधा उपलब्ध नव्हती. तसेच मयत कर्मचाऱ्यांच्या विधवा व विधूर यांना वर्षातून केवळ एक महिन्याचा मोफत प्रवासचा पास मिळत होता. मात्र, आता सर्वाना सरसकट सहा महिने मोफत पासची सुविधा राज्य मार्ग परिवहन महामंडळाने उपलब्ध करून दिली आहे. या सुविधेचा राज्यातील १० हजारपेक्षा अधिक सेवानिवृत्त/ मयत कर्मचाऱ्यांच्या विधवा, विधूर यांना लाभ होणार

पदवीधरांना नोकरीची संधी! सेंट्रल बँक ऑफ इंडियामध्ये ३ हजार पदांची भरती

सार्वजनिक क्षेत्रातील आघाडीच्या बँकांपैकी एक असलेल्या सेंट्रल बँक ऑफ इंडियानं ३००० शिकाऊ पदांसाठी अर्ज मागवले आहेत. या भरतीची अर्ज प्रक्रिया सुरू झाली असून www.nats.education.gov.in या अप्रेंटिसशिप पोर्टलवर अर्ज भरता येणार आहेत.

अर्ज करण्याची शेवटची तारीख ४ मार्च आहे. एक वर्षाच्या कालावधीसाठी ही भरती असेल. मात्र निवड झालेल्या उमेदवारांसाठी बँकिंग क्षेत्रातील नोकरीची दारं खुली होणार आहेत.

पात्रता – उमेदवार कोणत्याही शाखेचा पदवीधर असावा. त्यानं ३१ मार्च २०२० नंतर पदवी पूर्ण केलेली असावी.

वयोमर्यादा – उमेदवाराचा जन्म १ एप्रिल १९९६ ते ३१ मार्च २००४ दरम्यान झालेला असावा.

निवड – लेखी परीक्षेद्वारे होईल.

अर्ज शुल्क – दिव्यांग ४०० रुपये अधिक जीएसटी.

एससी, एसटी आणि सर्व महिला उमेदवार – ६०० रुपये अधिक जीएसटी. इतरांसाठी ८०० रुपये.

‘या’ आहेत अटी

उमेदवार केवळ एका राज्यातच अर्ज करू शकतात. मात्र, नोकरीची संधी बँकेच्या गरजेनुसार आणि रिक्त पदांच्या उपलब्धतेनुसार मिळेल.

उमेदवारांनी सेंट्रल बँक ऑफ इंडिया किंवा इतर कोणत्याही संस्थेमध्ये यापूर्वी शिकाऊ प्रशिक्षण घेतलेले नसावे.

नोकरीचा एक किंवा अधिक वर्षांचा अनुभव असलेले उमेदवार हे प्रशिक्षणार्थी म्हणून नियुक्तीसाठी पात्र असणार नाहीत.

अशी होईल अंतिम निवड

निवड झालेल्या उमेदवारांना ऑनलाइन लेखी परीक्षा द्यावी लागेल. लेखी परीक्षेत परिमाणात्मक योग्यता, सामान्य इंग्रजी, तर्क क्षमता, संगणक ज्ञान, मूलभूत गुंतवणूक उत्पादने आणि मूलभूत विमा उत्पादने समाविष्ट असलेल्या विभागांचा समावेश असेल. निवड गुणवत्तेवर आधारित असेल आणि स्थानिक भाषेतही प्राविण्य आवश्यक आहे.

कोणत्या राज्यात किती पदे?

लडाख – २

गुजरात – २७०

दादरा-नगर हवेली आणि दमण-दीव – ३

मध्य प्रदेश – ३००

छत्तीसगड – ७६

चंदीगड – ११

हरियाणा – ९५

पंजाब – ११५

जम्मू आणि काश्मीर – ८

हिमाचल प्रदेश – २६

तामिळनाडू – १४२

पुडुचेरी – ३

केरळ – ८७

राजस्थान – १०५

दिल्ली – ९०

आसाम – ७०

मणिपूर – ८

नागालँड – ८

आंध्र प्रदेश – १००

मिझोराम – ३

मेघालय – ५

त्रिपुरा – ७

कर्नाटक – ११०

तेलंगणा – ९६

अरुणाचल प्रदेश – १०

ओडिशा – ८०

पश्चिम बंगाल – १९४

अंदमान आणि निकोबार – १

सिक्कीम – २०

उत्तर प्रदेश – ३०५

गोवा – ३०

महाराष्ट्र – ३२०

बिहार – २१०

झारखंड – ६०

उत्तराखंड – ३०

“जरांगे पाटलांमुळे महिलांवर शाब्दिक ब’ला’त्का’र होताहेत,”जरांगेंचा अजूनही इतका अट्टाहास का ? – वानखेडे

पुणे : सामाजिक आणि शैक्षणिक क्षेत्रात मराठा समाजाला राज्य सरकारने १० टक्के आरक्षण देण्याचा निर्णय घेतला. परंतु मराठा आरक्षण आंदोलक मनोज जरांगे पाटील अजूनही आंदोलनावर ठाम आहेत. यातच अधिसुचनेची अंमलबजावणी करावी, यासाठी जरांगेंनी २४ फेब्रवारीपासून आंदोलनाची हाक दिलीय.

यातच जरांगेंचे एकेकाळचे सहकारी अजय महाराज बारसकर यांनी पत्रकार परिषद घेऊन जरांगेंवर गंभीर आरोप केले आहेत. त्यामुळे राज्यात एकच चर्चा सुरू आहे. तर दुसऱ्या बाजूला आता पुण्यातून सामाजिक कार्यकर्त्या आणि मराठा आरक्षणासाठी काम करणाऱ्या महिला यांनी देखील जरांगेंवर गंभीर आरोप केले आहेत.

आमच्या ताटातलं आम्हाला आरक्षण मिळालं पाहिजे,अशी आमची आग्रहाची मागणी आहे. परंतु तो जरांगे पाटील दुसऱ्याच्या ताटातलं खाण्याचा प्रयत्न करतोय. मराठ्यांना दहा टक्के आरक्षण दिलंय, मग जरांगेंचा अजूनही इतका अट्टाहास का ? असा सवाल वानखेडे यांनी उपस्थित केलाय. तर बारसकर महाराज यांनी जरांगे पाटलाचं सगळं सांगितलं आहे. त्यादिवशी आंदोलन करायचं नव्हत. आधी मिटींग करायची होती. हा मीडियासमोर गेला अन् थेट उपोषणाला बसल्याचं घोषीत केलं. परंतु त्याच्या अगोदर कुणाचा तरी फोन आला होता. ? तो फोन कुणाचा होता, तो चेक करा ना. अशी मागणी देखील त्यांनी केलीय.

हा मराठ्यांचा तुणतुण नाही तर वेगळंच कुणाचं तरी तुणतुणं असून तो कुणाच्या बोलण्यावरून करत आहे. ते समोर आलं पाहिजे. राज्यात मनोज जरांगे पाटलांमुळे मराठ्यांच्या महिलांचे शाब्दिक बलात्कार होताहेत. किती लोक महिलांना ट्रोल केलं जात आहे. सगळ्यांना बोला पण महिलांना बोलू नका. हे असं का बोलत नाही. महिलांबाबत याच्या बाईटमध्ये शब्दच नाही. मनोज जरांगे पाटील यांच्या सांगण्यावरून महिलांना ट्रोल केलं जातंय. असा आरोप देखील केला जात आहे. त्यांच्यासोबत काही लोकं काम करत होते. त्यात अजय बारसकर एक होतं. बारसकर यांना त्रास दिला जात होता. असेही त्या म्हणाल्या.

अंतरवाली सराटीत त्याची मुलगी चक्कर येऊन पडली होती. तेव्हा जरांगे पाटील इतरांना दणादण लोकांना ढकलत होता. मग माझं लेकरं माझा समाज हे काय ? तसेच त्याच्यासोबत इतर लोकं सेल्फी काढण्यासाठी येतात. तेव्हा तो त्या लोकांना ढकलून देतो. त्याला फक्त समाजाने मोठं केलं. इतका माज कुठून आलाय. असा सवाल देखील त्यांनी केलाय.

मी संत महात्मे आणि देवीदेवतांना मानणारा आहे,”तुकाराम महाराजांबाबत सपशेल माफी पण बारस्कर हा भोंदू”

मुंबई : तुकाराम महाराजांबाबत सपशेल माफी मागतो, पण अजय बारस्कर हा भोंदू आहे, असे मनोज जरांगे म्हणाले आहेत. मराठा आंदोलनकर्ते आणि किर्तनकार अजय महाराज बारस्कर यांनी बुधवारी पत्रकार परिषद घेत जरांगेंवर अनेक आरोप केले.

यावर आता जरांगेंनी प्रत्युत्तर दिले आहे.
मनोज जरांगेंनी तुकाराम महाराजांचा अपमान केल्याचा आरोप अजय महाराज बारस्कर यांनी केला होता. यावर जरांगे म्हणाले की, “तुकाराम महाराजांबाबत माफी मागतो. त्यांच्यासाठी प्रायश्चित्तसुद्धा करेन. संत तुकाराम महाराजांबाबत माझ्या तोंडून काही शब्द गेले असतील. उपोषणाच्या वेळी चिडचिड असते त्यावेळी झालं असेल. त्यामुळे मी यासाठी मागतो. मी संत महात्मे आणि देवीदेवतांना मानणारा आहे. मी वारकरी संप्रदायाला मानतो. मी विद्रोही नाही. त्यामुळे महाराजांविषयी केलेल्या वक्तव्याबद्दल मी सपशेल माफी मागतो.”

“अजय महाराज बारस्कर यांचे आरोप हा ट्रॅप आहे. आतापर्यंत सहा महिने मी गोड होतो. हा सगळा मला बदनाम करण्याचा प्रयत्न असून यात मुख्यमंत्री शिंदेंचादेखील प्रवक्ता आहे. ज्याला फेसबूक लाईव्हचे लोकं विचारत नाही, त्याला माध्यमं कसं काय विचारायला लागलेत?” असे ते म्हणाले.

ते पुढे म्हणाले की, “समाजासोबत तुम्ही प्रामाणिक रहा. गद्दारीचा शिक्का मारून घेऊ नका. तो कशाचा महाराज आहे. ते बांधावरुन उठले आणि महाराज झाले. जो घरापर्यंत येतो तो खरंच महाराज असू शकतो का. ते भोंदू आहेत,” असेही ते म्हणाले आहेत.

पंढरीनाथ फडके यांचा मृत्यू कसा झाला?

मुंबई : महाराष्ट्र बैलगाडा शर्यत असोसीएशनचे अध्यक्ष पंढरीनाथ फडके यांचा 21 फेब्रुवारीला मृत्यू झाला. ज्यानंतर ते सोशल मीडियावर दुपारपासून ट्रेंड होऊ लागले. पंढरीनाथ फडके यांची गाणीची सर्वत्र लोक ऐकू लागले ज्याचे काही वेळातच व्ह्यूज वाढले.

ते कोण आहेत? काय करतात? हे जाणून घेण्याची लोकांमध्ये इच्छा वाढली. तसेच त्यांचा मृत्यू का झाला याची देखील चर्चा होऊ लागली.

बैलगाडा शर्यतीसाठी कोर्ट आणि इतर शासकीय दरबारी फडके यांनी नेहमीच पुढाकार घेतला होता. ज्यामुळे त्यांच्या या अशा जाण्याने असोशियएशनची मोठी हानी झाली असल्याची भावना लोकांच्या मनामध्ये आहे.

त्यांच्या मृत्यूनंतर अशा अनेक अफवा उठल्या की त्यांना HIV झाला होता. तर काही म्हणत होते, त्यांना हार्टअटॅक आला. तर काहिंनी म्हंटलं की त्यांना कॅन्सर होता, ज्यामुळे त्यांचा मृत्यू झाला, पण खरं कारण कोणालाच माहित नव्हतं. पण आता पंढरीनाथ फडके यांचा मृत्यू का आणि कसा झाला हे समोर आलं आहे.

पंढरीनाथ फडके यांचा मृत्यू हृदयविकारामुळे झाला. खरंतर त्यांना मधुमेह होता, यावर बऱ्याच वर्षांपासून त्यांच्यावर उपचार सुरू होते. अशातच कल्याणमध्ये राहुल पाटील यांच्यावर गोळीबार प्रकरणात त्यांना अटक झाली होती. त्यामुळे त्यांची रवानगी तुरुंगात करण्यात आली होती.

तुरुंगात गेल्यामुळे पंढरीनाथ फडके यांची प्रकृती खालावली होती. तुरुंगातून बाहेर आल्यानंतर घरीच त्यांच्यावर उपचार सुरू होते. मात्र तरीही ते आपल्या ऑडी कारने बैलगाडा शर्यतीत सहभागी होत होते. अलीकडेच मागील काही दिवसांपासून त्यांची प्रकृती ढासळली होती. त्यांना चालणंही कठीण झालं होतं. आज सकाळी राहत्या घरी त्यांना ह्रदयविकाराच्या तीव्र धक्का बसला, त्यातच त्यांची प्राणज्योत मालवली.